كلنا نفسنا نصلي بدون تقطع، و اللي مش بيصلي فينا نفسه يبدأ يصلي علشان هو عارف و متأكد إن الصلاة هي عمود الإسلام و سِر الفلاح في الدنيا و الآخرة والطريق ده محتاج جهاد كبير عشان توصل لآخره وتاخد الجائزة الكبيرة اللي انت عايش علشانها *{ جَنَّـٰتࣱ تَجۡرِی مِن تَحۡتِهَا ٱلۡأَنۡهَـٰرُ خَـٰلِدِینَ فِیهَا وَأَزۡوَ ٰ⁠جࣱ مُّطَهَّرَةࣱ وَرِضۡوَ ٰ⁠نࣱ مِّنَ ٱللَّهِ }* والجائزة العظيمة دي مش هتيجي بالتمني و الدعاء المستمر بدون جهاد؛ *جهاد للنفس وهواها و الشيطان...* لو قدرت تغلبهم فهنيئاً لك يا صديقي ♥️ هدف القناة هو اننا نوصل للجائزة العظيمة دي مع بعض، هنحفزك و ناخد بإيدك و نعينك على نفسك و شيطانك هنقولك على كنوز في الصلاة مكنتش تعرفها و نذكرك باللي نسيته عنها. القناة محتواها عن الصلاة فقط، سواء موضوعات في الأركان أو اقتباس من كلام الائمة و العلماء أو التذكير بسنن في الصلاة و الكلام عنها بشكل مفصل أو تصحيح لبعض الأخطاء اللي بنشوفها بشكل يومي في المساجد لازم تكون مسلم واعي بكل ما يخص الصلاة، لأن الصلاة هي الأساس الأعظم بعد شهادة أن لا إله إلا الله وأن محمد رسول الله و هي أول ما سنُسأل من أعمالنا كلها > الصلاة هي مفتاح كل الخيرات في الدنيا و الآخرة. 🤍