🥀🎻🌹زُهيرة ✍️🇵🇸✌️🇱🇧✍️ هذا اليويو الي قلتلكم عليه مممم سامحوني عالتأخير ،اللّه غالب ما تفاضيتش ، بإذن الله لحظات وانهبطلكم الوصفة وان شاء الله تجربوها وتقولولي رايكم 😜 🥀🎻🌹 اليويو دائما و في كل الأوقات مطلوب و محبوب و هالوصفة الحقيقة ما انبدلهاش روسات اليويو نااااجحة و مضمونة 100% بقدرة الله 😉🍒😋 كأس زبت، كأس حليب، كأس ناقص شويا سكر، عضمتين، عصرة قارص، 3 باكوات فانيليا، رشة ملح صغيرة نخلطوهم الكل مليح و بعد نبداو نزيدو الفارينة و باكو خميرة لين تتلم مغير عجنان..انا إستعملت كيلو فارينة. نخلوها ترتاح الشحور: 4 كيسان ماء و 3 كيسان سكر، كعبة قارص نعصرها و نرميها.. كيف يبدا يتبدل لون كعبة القارص يعني الشحور طاب مايجيش عاقد برشا.. بعد ما نقلي اليويو الكل نبداو نشحرو(الشحور بارد) جربوها الطريقة هذه و متأكدة تعجبكم أن شاء الله ...زهيرة...🍄🍒🍇