السوشيال ميديا عرف اليوم إنزال قوي من جماهير و إعلاميين محسوبين على نادي الزمالك كايدعيو ان النادي المصري عندو اتفاق معا معاذ الضحاك نجم المنتخب الوطني لأقل من 20 سنة !!

أخبار تا حد ما عارف حجم المصداقية ديالها وان كانت كاتبان أقرب بكثير للخيال منه للواقع.. خاصة ان معاذ موهبة واعدة و يالاه تايخطو خطواتو اللولى ف طريق النجاح.. و مع احترامي التام لتاريخ نادي الزمالك، غايكون من الغريب أن معاذ يقبر الموهبة ديالو ف الملاعب العربية ف هاد السن المبكر..

معاذ من الجواهر القليلة اللي كاتضوي ظلام البطولة الوطنية الفقيرة من المواهب.. كانتمنى ان المحيط ديالو يعرف يسير الكاريير ديالو بالشكل اللي يخليه يستافد ويفيد المغرب ب الموهبة ديالو الفذة بإذن الله..