حبوباتي

الى دوشتي بالماء سخون ملي تكملي ديري شوية الماء بارد على صدرك باش يبقى مشدود و مايطيحش

التقشير جوج مرات فسيمانة ماشي ديما واياكم خليو البشرة ترتاح

مور مديرو ماسك و تساليو دوزو جݣلاصون على وجهكم حبذا لو تصاوبوهم فيهم الماء و ماء الورد اولا الماء و ماء الورد و الما دالخيار ولا الما دبطاطا و لا ديرو المعدنوس فكاسرونة مع شوية دلما و شعلو عليه يغلا و تحسو بالما بدا يخضار طفيو و ديروه فمكعبات و دخلوج يتكونجولا و خدموه مهم لي بغيتو كولشي مزيان

شربتي قهوة كحلة وا شدي قطنة قسميها على جوج و غطسيها فديك القهوة حسن لا كانت باردة و ديريها للهالات و ترخاي مع الوقت كتحيد الهالات السوداء

المنطقة الحساسة عمرك تخليها فازكة بالما هو سبب الكحولية خليها ديما نظيفة و ناشفة

منين تكملي نيطواياج بالمنطقة الحساسة غسليها بصابونة عادية ماشي ديال ريحة ولا غاسول لي موالفة نشفيها مزيااالن و دهنيها بزيت الورد ولا الخزامة ولا زيت الكوك كترطب و تخلي الريحة زوينة

الملابس الداخلية بعدي على النيلون خاصة حاولي تلبسي القطنية احسن

شعرك عمرك ديريلو سيشوار ملي تكملي دوش نشفيه بالمنشفة مزيان باش ميتكسرش و مايطيحش و خليه يرتاح على الاقل 20دقيقة و نشفيه حيت كيكونو المسامات مفتوحين و كدخل الهواء للراس يقدر يدير خلايا سرطانية عفانا الله

شعرك متخليهش ديما مشدود و مغطي بالنسبة لي دايرة الحجاب و كتخليه حتى فدار راه خاصو يرتاح

صدرك لبسي حمالة ماشي مزيرة و ماشي مرخووفة فالنهار اما فالليل حيديها و لا رخفييها خلي الدورة الدموية تمشي

الى عندك القرنفل خودي الشمبوان ديالك و حطي فيه سبعة دالحبات مفيد بزاف للشعر والى كان شعرك جاف من الاحسن بلاش (فوائد القرنفل للشعر :تطويله خلال فترة زمنيّة قصيرة. تكثيفه، إعادة الإشراق، واللمعان، والنضارة، والحيويّة إليه. تقوية بصيلاته وجذوره وبالتالي التقليل من تعرضه لكثيرٍ من المشاكل أبرزها التساقط، والتقصف) شمبوان ايتغير اللون ديالو و حتى ريحتو زوينة

قبل متخرجي شوفي راسك فالمراية واش مقادة(شعرك حوايجك واش كلشي هو هداك) وتأكدي من نضافتك (ريحت سنانك .ريحة حوايجك .سبرديلتك واش نقية .مهم متنساي والو )باش تخرجي ثايقة فراسك

💃🏻