من وصفتي القديمة اللي نحبها هلبه وحبيت نعاود نزلها ونفيدكم بيها 🩷 #خبزة_السميد خبز يجي خفيف هلبه وفارغ من الداخل ويجي سندوتشات بأي حاجة تحبوها _ أول خطوة نأخذ كوب سميد ناعم وضروري ناعم مش متوسط ولا خشن ونحط معاه ملعقة كبيرة سكر وملعقة كبيرة خميرة خبزة وكوب نص اميه دافية نخلطهم ونغطيهم ونخليهم يتفاعلوا _ ثاني خطوة نأخذ كوب دقيق ونضيفله ملعقة صغيرة ملح وملعقتين كبار زيت زيتون أو نباتي ونخلطهم مع بعض _ الخطوة الثالثة نضيف خليط الدقيق والزيت لخليط السميد بعد ما تفاعل ونعجن ونكون مجهزة حوالي كوبين دقيق ثانيات ونضيف الدقيق بالشوية ونعجن لانه مرات ما نستحقش للكمية كلها ولو ضفتي كمية الدقيق كلها ومازال مش متماسكة تقدروا تضيفوا دقيق عادي مش شرط الكوبين بس وتكون رطبة شويه العجبنة ونخليها حوالي نصف ساعة ترتاح وبعدين نقسمها أربع كور وكل كرة نغمسها كلها ونفردها بالنشابة ونقسمها جزئين زي ما موضحة في الصور ونخليها ترتاح نصف ساعة ثانية ونكون مسخنة الفرن مسبقا من تتحت ومن فوق وندخلها للفرن والنار مشغلة من فوق ومن تحت وما تغفليش عليها لانها بسرعة تطيب ولو حسيتي انها من تحت ما تحمرتش كويس طفي النار من فوق وخليها من تحت بس وأول ما تطلع غطيها بفوطة باش تقعد رطبة وشوفوا الصور فيها الخطوات #طريقة_الطعمية أنا نصف كيلو حمص نفرم فيه ثلاثة مرات في مفرمة اللحم مع حوالي 6 فصوص ثومة ورأس بصل متوسط وقرنين فلفل أخضر وشويه كسبر ومعدنوس ولما بنقليها نضيف كسبر مرحي وشوية فلفل احمر وفلفل أسود وملح ونحط حتى في ملعقة كبيرة هريسة عربية وبيضة وملعقة صغيرة ممسوحة بيكربونات وملعقة كبيرة دقيق