#مثوم 😋🥰 المقادير 3 ملاعق كبيرة زيت ملعقة زبدة لحم مفروم حبة بصل رابي 4 فصوص ثوم كبيرة فلفل أسود عود قرفة ملح لاشابلوغ بياض بيضة ماء معدنوس قطعة دجاج او عظم للبنة فقط طريقة التحضير : في قدر على النار نضع الزيت والزبدة والبصل الدجاج الثوم نتركه يتقلى قليلا ثم نضيف الملح الفلفل الأسود القرفة نقلي مليح ونزيد الحمص نمرق بالماء ونغلق القدر من جهة أخرى في اناء نضع اللحم المفروم نزيد عليه الملح والفلفل الأسود القرفة الثوم المبشور لاشابلوغ بياض البيض نعجن مليح ونشكل كويرات بواسطة الماء ثم نضعها في القدر بعد ميطيب الحمص نصف طياب نعاود نغطي القدر ونخلي الكل يطيب حتى تخثار لاصوص في الأخير نزيد رشة معدنوس.

#نصائح نصائح مطبخية رمضانية 🌙🌙🇩🇿♥🇩🇿♥🇩🇿♥🇩🇿 نصائح قيمة ومفيدة تحتاجوها في رمضان احتفظو بيها ❤️ 🥣قبل ماتبداي تطيبي وجدي كامل وش تحتاجي قدامك وجدي ساشي للقشور وبسينة فيها رغوة وجافال باش كي تكملي بماعن البصل ولا البيض ولا السكرفاج لوحيهم ف البسينة تتنحالهم الريحة 🥣 قبل ماتغلي الحليب شلي الطاوة بالما باش مايلصقش فيها الحليب وتحصلي ف الغسيل والحكان 🥣 قبل ماتعصري حبة القارص حطيها ف ماء سخون نص ساعة باش تتحصلي على كمية عصير مليحة 🥣عجينة البيتزا حطيها تخمر داخل بورتمونجي بالغطا تاعها 🥣البوراك كي تقليه ماتحطيهش فوق بعضاه يتطلق ويتزيت لالا وقفيه في كسكاس يقطر من الزيت ويبقا مقرمش 🥣الدجاج المرحي تع المثوم و الرولي...الخ ديريلو توابل الشاورما 🥣الدولمة كي تحفري الخضرة حكيها الداخل بالملح وفلفل اسود باش ماتجيكش سامطة 🥣 البطاطا لي تعمري بيها البوراك فوريها في كسكاس فوق الشربة تجي بنينة وماتطلقلكش الماء 🥣الغراتان اذا حبيتيها حمرا من فوق رشي لاشابلوغ قبل ماتطيب 🥣لاشابلوغ كي ترحيها تبليها بالتوابل لي تحبيهم 🥣المعقودة كي تشكليها حطيها تبرد مليح تحكم روحها مبعد اقليها 🥣الحشاوش باش مايذبلوش روليهم في طراشن papier وخبيهم في بورتمونجي 🥣البيطراف باش مايطلقش لونو فوق السلاطة حطيه في ورق المنيوم شكليه كي طبسي أو حطيه في كاس ولا فيغين وسط صحن السلاطة 🥣اشري كناش حطيه ف الكوزينة مع ستيلو يساعدك تكتبي فيه وش ناوية ديري فطور اليوم ، تكتبي كاش وصفة سمعتيها ف يوتيوب ولا TV ، تكتبي لراجلك يشريلك مشتريات، اذا دايرة عرضة تكتبي Menu باش غدوة من ذاك تطبقي برك ..الخ ماتضاليش تدوري وتحوسي على ورقة وستيلو 🥣باش يذوبلك الدجاج المجمد حطيه في طبسي فيه ماء ومغرف معمرة ملح 🥣فينيقغات تع سلاطة عصري فيها نص حبة طوماطيش تجي تهبل 🥣لي سوفلي بش يجوك حمرين الصفار تع البيض زيديلو مغيرفة لحظة 🥣خبز الدار بش يخمرلك سخني الكوشة وطفيها وحطيه يخمر الداخل في حاجة تع حديد 🥣كي تكوني تلمي ف الماعن باش تغسليهم حطي براس قهوة يطيب نحي الدوخة تع الصيام عاد اغسلي 🥣كي تكوني توجدي ف الفطور اذكري ربي مثلا تخدمي ف البوراك قولي سبحان الله سبحان الله حتى تكملي ، تغسلي الماعن استغفري...الخ زيديلنا نصيحة ولا حيلة تعتمديها في رمضان و انويها صدقة لأخواتك في ميزان حسناتك 🥣🌙🥗 منقول 🌸

🌺 مثوم الجاج اولا نحضرو مرقة بيضاء كاين ليبغي حمراء و كاين صفراء في طنجرة نحطو سمن وزيت لما يسخن نحط أطراف جاج ولا جناحتين مع بصلة مرحية إثنان سنات ثوم مرحيين قليل من الحمص ملح فلفل اسود ورشة قرفة من عند توابل دار التوابل كي طحت على يتحمسو مليح نمرق بلماء التمراق نعمل على حساب الجاج وليبولات ( كريات الدجاج ) لما يغلي نقص على نار يطهى على نار قليلة ثانيا تحضير كريات الدجاج صدر دجاج مرحي او نصف حسب عدد الأفراد نحط عليه معدنوس مقطع رقيق إثنان سنينات ثوم مرحيين صفار بيضة ملح رشة كمون رشة قرفة قليل من زنجبيل ورشة كركم و توابل مثوم لتزيدها بنة على بنة انا نستخدم توابل دار التوابل نخلط الكل ماتخافوش يبانلكم جاري دخلوه للثلاجة لما نشوف الدجاج دخلو طياب نجيب مقلة ونشكل كريات بمساعدة الماء ونقليهم ياخدو لون نكمل نزيدهم فالمرقة نخليهم يكملو طهي حتى يتجمرو نطفي ونرش بمعدنوس وبصحتكم 🥰