السبرينج رول ده هيبقى أحلى وأخف حاجة تقدميها كسناك سريع أو مقبلات جنب الأكل، والجبنة السايحة جوه هتخليه حاجة خرافية

المقادير:
• 10 قطع عجينة سبرينج رول
• 10 أصابع جبنة موزاريلا
• 10 شرائح جبنة شيدر

خليط اللصق:
في طبق صغير، اخلطي 3 ملاعق كبار دقيق مع 3 ملاعق كبار ماء، وقلبي لحد ما الدقيق يذوب ويبقى قوامه كريمي.

طريقة التحضير:
افردي قطعة من عجينة السبرينج رول على سطح نظيف، وحطي عليها شريحة جبنة شيدر وفوقها صباع جبنة موزاريلا. لفي العجينة كويس على شكل رول، وتأكدي إنك بتقفلي الأطراف بإحكام باستخدام خليط اللصق عشان الجبنة متخرجش أثناء القلي.

سخني زيت غزير على نار متوسطة، وقلي السبرينج رول لحد ما ياخد لون ذهبي ومقرمش. طلعيه على ورق مناديل عشان يمتص الزيت الزايد.

الفاهيتا

المقادير:
• 2 صدور دجاج مقطعة شرائح رفيعة
• 1 فلفل ألوان (أحمر، أصفر، أخضر) مقطع شرائح
• 1 بصلة متوسطة مقطعة شرائح
• 2 فص ثوم مفروم
• 2 ملعقة كبيرة زيت زيتون
• 1 ملعقة صغيرة بابريكا
• ½ ملعقة صغيرة كمون
• ½ ملعقة صغيرة كزبرة ناشفة
• ½ ملعقة صغيرة ملح
• ¼ ملعقة صغيرة فلفل أسود
• عصير ½ ليمونة

طريقة التحضير:
في طاسة سخنة على نار عالية، حطّي زيت الزيتون، ونزّلي الدجاج وقلّبيه لحد ما يبدأ ياخد لون. ضيفي الثوم والبصل وقلّبيهم شوية، وبعدها ضيفي الفلفل الألوان والتوابل كلها، وكملي التقليب لحد ما الدجاج يستوي والفلفل يبقى طري بس لسه مقرمش.

في آخر خطوة، طفي النار، وضيفي عصير الليمون وقلّبي كويس. قدّميها سخنة مع خبز التورتيلا أو كطبق جانبي خفيف مع أي وجبة.

*قم إلى وترك وخلوتك.*
*واسأل الله ما تشاء،، وكن على يقين أن الله لن يردك صفر اليدين،،*
*واعلم أن الكثير ممن تغيرت حياتهم كانت بدعوة في جوف الليل.. فاسجد واقترب*

*`قيام الليل بوابة المعجزات`*

خبز بالثوم المشوي والجبنة

المكونات:
• أي نوع خبز تفضليه
• 2 كراث
• 2 رأس ثوم كاملة
• 125 جم زبدة طرية
• 1 ملعقة كبيرة ميسو
• 1/2 ملعقة كبيرة رقائق شطة
• جبنة (خليط من الموزاريلا والبارميزان)
• بقدونس مفروم
• 1-2 ملعقة كبيرة عسل
• زيت زيتون + ملح + فلفل أسود

الطريقة:
قطّعي الثوم والكراث من الأعلى، وضعيهم على ورقة فويل، ورشي عليهم زيت زيتون بكمية سخية مع رشة ملح وفلفل. لفيهم في الفويل كويس، وادخليهم الفرن على 180 درجة مئوية لمدة ساعة إلى ساعة وربع، لحد ما يبقوا طريين ولونهم ذهبي ومتكرمل. سيبيهم يبردوا شوية.

في بولة، اضغطي الثوم والكراث المشويين لحد ما يطلعوا من القشرة، وضيفي عليهم الزبدة، الميسو، رقائق الشطة، الملح، والفلفل، وقلّبيهم كويس لحد ما الخليط يبقى ناعم ومتجانس.

قطّعي الرغيف بالطول، وادهني عليه خليط الزبدة بسخاء (ممكن تعملي شقوق في العيش علشان الزبدة تدخل جواه كويس). بعد كده، رشي عليه الجبنة، وادخليه الفرن على 180 درجة مئوية لمدة 15-20 دقيقة لحد ما يتحمص ويبقى لونه ذهبي ومقرمش (خلي بالك علشان ما يتحرقش).

أول ما يطلع، رشي عليه البقدونس، وقطّعيه وقدميه فورًا.