تحليات سهلة لرمضان باذن الله
#تحلية_الليمون
طبقة الأولى
قاطو رحيتو ودرتلو زبدة
طبقة التانية
درت 3كيسان حليب
باطا فلون ليمون اذا ملقيتوش ليمون ديرو فلون فاني
زوج مغارف كبار نشأ و3مغارف كبار سكر
خلطوهم بارد في بارد مليح وديروهم فوق نار وابقاو خلطو حتان يعقاد.لخليط نتاعنا ومباعدا ديريهم في غيبيسيون وغطيتهم مليح من فوق بسيلوفان وخليتهم يبرد مليح مليح ومباعد بعد متبرد مليح نعاود نخلط لخليط هذاك بالباتور ونزيدلو كأس الا ربع غبرت شونتي وعصير لقااارص ونطلعها ومباعدا نديرهم كطبقة ثانية فوق لقاطو
طبقة الثالثة
درت ديكوجال ذوق الليمون
اذا معندكش ديري هاذيك لوصفة راني حطيتها تحت مكتوبة
كريمة الليمون :
كاس حليب +مغرفة كبيرة نشاء +2مغارف كبار سكر + لغوم تاع الليمون نديرو بارد في بارد ونديرو فوق نار كي يخثار نزيدلو فنجان عصير الليمون