قلب اللوز 😋وصفة ناجحة و مضمونة باذن الله 😍 _الوصفة : 6 كيلات سميد خشين 3كيلات سكر وقرصة ملح نخلطوهم مليح في بعضاهم منبعد نزيدوا كيلة زيت كيلة لبن وكيلة ماءفيها ماء الزهر نبسوه مليح و نستفوه فالسنيوة نبيتوه ليلة امبعد نطيبوه نحمروه مليح ولا في نهاروا كيف كيف الشربات 3 كيلات سكر ب 6 كيلات ماء شوية ماء الزهر كي طيب لازم قلب اللوز يكون سخون و الشربات باردة طيبوهة ليلة من قبل خير ملاحظة صغيرة انا نحبوا ناقص شويا على هكا جا عالي المرة جاية ان شاء الله نقص من كل كيلة تاع سميد مغرف كبيرة و سكر كيف كيف نقص منوا باه ميجبنيش عالي سي نن لي تحبوا هكا تخلي لكيلة كيماراهي البنة كيما تاع برا الوصفة جبتها من عند وحدة باباها يبيعوا يعطيهم الصحة لي تحبوا محشي تقسم الكمية و دير حشو كيما تحب السميد شريت تاع الميزان من عند لي يبيعوا دوزان الحلوة سي نن لي تحب تاع باكيات ننصحها ب مولان روج يهبل تاع 2 كيلوا انا مصبتوش مجرباتوا هوا ولا تاع ميزان لي مجربة نوع تاع سميد و خرجلها تقولنا عليه ان شاء الله ما نكون نسيت والوا بصحتكم جربوه ماحش تندموا عليه 😘😘 ليه كاين حاجة لي متعرفش القيس تاع سنيوة تاعها شحال ترفد من كيلة تدير الكيلات تاع سميد فالسنيوة و تشوف الا ترفد ولا لا وعليها تخيري الكيلا ان شاء الله ❤ بالصحة و العافية 🙏🏼😋