نصائح في غاية الروعة ❤️ - عجينة البغرير الى خمرات بزاف رديها لمولينيكس دور جوج دورات و طيبيه مباشرة - لخضرة ديالك فاش تبغي تغسليها ديري نقيطة ديال الخل او شوية ديال الملح مع لماء - باش يجيك السفرجل احمر ولونو دهبي، سلقي السفرجل او من الاحسن يتفور مع عواد اديال القرفة من بعد عسليه في السكر والبرتقال عوض الماء وشوية قرفة وكثري السكركيجي رائع في اللون و المداق - الى كيتجمع ليك النمل على بواطة ديال السكر لوحي فيها شي 2 حبات ديال لقرنفل - فاش تبغي تصبني لموكيط او زربية خوي عليهم لما باش يرطابو من بعد دوزي عليهم صابون لحجرة او صابون لبلدي حيت الصابون كيحافظ على الالوان حسن من لمنظفات الاخرى وخليهم يفسزكو. من بعد حكيهم بشيتة رطبة و شليهم مزيان . تشليلة لخرا زيدي فيها الخل - مولينكس ديري فيها الما دافي وصابون الماعن وشوي الخل وشعلها كتخرج كتلمع وملي كيحفى ليها الموس طحني فيها مكعبات ديال الثلج كترجع ماضية اما الكاس فاش كنطحني العطرية، باش تحيد منو الريحة طحني طريف ديال الخبز يابس وها الريحة مشات - بديل المايونيز خودي حك ديال ياغورت طبيعي مسوس و زيدي عليه شوية ملح و ابزار و ملعقة صغيرة زيت مائدة و شوية خل و خلطي مزيان حتى تحصلي على صلصة بحال المايونيز - لاعطاء نكهة خاصة للسفة ديال الشعرية ديري اعواد ديال القرفة في الماء اللي غدي تفوريها فيه بالنسبة للشعرية الصينية ديري ورقة سيدنا موسى - زلافة البديع قلبيها ومضيو بها الموس من الجهة الغليظة - الى بغينا ندهنو الكرص ومعدناش البيض. نصف كاس الحليب مع سكر كلاصى او سنيدة ونخلطو مزيان وندهنو الوجه ديال الكرص - باش تنسمي سنيدة نسميها بعود الفاني، خودي زيف ناشف مسحي بيه عود الفاني وحطيه في سنيدة و سدي عليها في قرعة حتى يتنسم. الى مكانش عود الفاني ديري ا3 اكياس الفاني في كيلو سنيدة الى عجبوكم النصائح متنساوش ديروا متابعة للصفحة و لايك المنشور و بارطاجي باش كلش يستافد 💕💕💕