سلام خوتي وخوتاتي هادي حلوة رايبي بدون بيض بنينة بززاف والوصفة كالتالي كناخدو قصرية كنديرو فيها 125غ زبدة التوريق عادية بحرارة المطبخ مامذوبة ماوالو يعني نص ماركرين وفانية وحدة كنضيفو ليها كأس عنبة مخلط نصو سنيدة ونصو سكر كلاصي وقبصة ملح وكنخدمو المكونات بيدنا مزيان عاد كنضيفو كأس عنبة عامر زيت وكنخدمو المكونات حتا يولي الخليط كريمي ونضيفو نص علبة رايبي ديال 2دراهم انص وماتبقا شربوه 😂 وخلطو المكونات عاد ضيفو 2كيسان عنبة دقيق مع 1خمارة حمراء من فئة7غ وخلطو باطراف الاصابع فقط العجين ماتدلكو ماوالو وبقاو تضيفو الدقيق شوية بشوية حتا تحصلو على عجينة رطبة متقصحوهاش أنا هزاتلي 4الكيسان عامرين دقيق وكاس الاربع دقيق بالمجموع كتقسمو العجينة على جوج كرات متساويين الكرة اللولة كتخشيوها فبلاستيكة سدو عليه والكرة الثانية ضيفو ليها 2معالق كبار عامرين كاوكاو محمر مقشر مهرمش رقيق دخلوها فيه وتهزو العجينة اللي ضفتو ليها كاوكاو شكلو منها حرابل اصابع رققوهوم من اجناب الوسط خليوه غليض عاد قوسوهوم بحال الهلال كما فالصورة وستفو الهلالات ديالكوم فلاطة مدهونة بالزيت وطيبوهوم ففرن مسخن مسبقا كيطيبو على نار مهيلة من الاسفل غير ايتحمرو شوية عاد حمروهوم من الوجه غي شوية اصفارو وخرجوهوم والكرة اللي فالبلاستيكة شكلو منها كرات متوسطين طيبوهوم بنفس الطريقة ديال الشكل الاول وخرجو الحلوة وخليوها تاتبرد مزيان عاد بداو بتزيين حلوة الهلال كتدهنو الهلالات من فوق الوجه بالكوفتير ومرمدوهوم فكاوكاو مهرمش محمر وذوبو 4قطع شكلاط كالا أبيض مع قطرات زيت وخويوها فبلاستيكة ثقبوها وديرو بيها خطوط فوق كل هلال وماتبقا ديال الهلالات غمسو نصهوم فشكلاط كالا أسود مذوب ونص ديرو فيه خطوط بالشكلاط أبيض اما الشكل المدور ديال الحلوة دهنو ليه شكلاط أسود من الوجه فقط متغطسوهومش فالشكلاط بالكامل باش ميهزوش ليكوم كمية كبيرة شكلاط وديرو قريصة من فوق بكاوكاو مهرمش محمر انا هزاتلي الحلوة كاملة 3دراهم شكلاط كالا أسود فقط وللاشارة تقدرو تشكلو الاشكال اللي بغيتو من هاد الحلوة والتزيين اللي بغيتو والاساس هوا العجينة وبالصحة والراحة ❤️