كروكي هاذا يجي بزاف بنين وزيد اقتصادي وبلخف يوجد ليه ليه 😍 *المقادير *زوج بيض *نص كاس زيت *نص كاس سكر *لافاني *وحدة خمارة ديري لبيض والسكر ولافاني في اناء وخلطي تحبي بالفوي ولا الباتور ماشي مهم ومبعد زيدي الزيت وكيتخلطو مليح ابداي تزيدي فالفرينة من الاحسن غربليها مع وحدة خميرة تاع قاطو وخليها شويا طرية كيما لابات تاع صابلي وتحبي مام ديري معاها كاوكاو مطحون اذا عندك انت وواش تحبي واذا حبيتي ديريه بالشوكولا ديري الكاكاو قيس زوج مفارف معمرين مليح وكملي الباقي بالفرينة ومبعد شكليه حربوش وديريه فوق ورق الطهي وابسطيه بيدك غير شويا يجوك زوج حرابيش ومبعد ادهنيه مالفوق بصفار بيض مخلط بالقهوة وديري خطوط بالفرشيطة اذا حبيتيه كيما تاع المحلات انا هاذا مادرتلهش خليته حتى طاب طليته بالكونفتوغ ورشيت كاوكاو فقط ايه بالنسبة للبياض باش مايقعدلكش تقدري تزيديه مع زوج حبات تاع لبيض لي درتيهم فالعجينة يعني قاع فالأول تفصلي البيضة لبياض تزيديه وصفار تخليه للطلي وبالنسبة لتاع شوكولا ماديريله والو مالفوق خليه يطيب حتى تجبديه ديريله شوكولا بالنسبة للتقطيع لازم تقطعيه وهو سخون باش مايتفتتش🥰