حرشة المقلة 🧡 مقادير مظبوطين ديال مقلة متوسطة : 2 كيسان عنبة سميدة دالحرشة ، كاس قل ربع فينو ، ربع كاس زيت مخلط مع معلقة كبيرة زبدة مذوبة ، قبصة ملح ، ونص معلقة صغيرة خميرة معجونة ، معلقة صغيرة خمارة كتبسبسي مزيان المقادير كلها دقة زحدة ومن بعد كنبداي تجمعيها غير بصبعانك ونتي كضيفي الما دافية حتا تحصلي على عجينة مرخوفة شوية كتخليها ترتاح عشرة دقاءق وكديري لمقلة تسخن كتكوري داك لخليط ديال الحرشة وترشيها بالسميدة مزيان وتقلبيها فلمقلة وتحركيها فلبلاصة باش متلصقش وترشي لوجه ديالها بسميدة وتقاديها مزيان بمعلقة وترديها طيب والسر بالنسبة للحرشة هي لبوطة متكونش منقوصة بزاف حيث كتنشف من داخل ومكتجيش زوينة ، لبوطة تكوم شوية مجهدة وتبقاي تحركي لحرشة حتا تتحمر من تحت وتقلبيها تعاود تتحمر من الجهة الاخرى وخليها تبرد وقدميها بالصحة والراحة