الوصفة 8 كيسان فرينة 8 ملاعق زيت 4 ملاعق خل قليل من ملح نجمع بالماء البارد حتى نتحصل على عجينة طرية و نتركها ترتاح على الأقل 10د الطريقة : نفتح العجينة طويلة و عريضة ثم نبشر عليها 500غ زبدة التوريق و نلويها من بعد نزيدو نفتحوها و نطويها على 3 و نكرر العملية مرتان ثم نقسمها في الوسط و تمت نلاحظو التوريق و نكونو نجحنا فيها #الكريمة ما بين الطبقات نصف لتر حليب🤩🤩🤩🤩 3مغارف كبار سكر 3مغارف كبار نشاء حركيهم باردين وحطيهم حتى يخثارو عالنار فالاخير حطي الفانيلا وكي تنحيها مالنار حط مغرف زبدة او ماارغارين وخليها تبرد بعد ما تغطيها اما بالنسبة للطبقة الاخيرة كاس سكر نخليوه على الڨاز لين يتبدل لونو ذهبي ثم نضيفولو 100 غ زبدة و كأس حليب وشوي حليب نركضوها مليح ولازم يكون قوامها متماسك العجينة مورقة طيبي 3طبقات كل طبقة وحدها ولازم تثقبيها مليح بعدها نحطو طبقة اولى كريمة ثم باقي الطبقات وفي الاخير نحطو كريمة تانية لي جهزناها ويصبح ميلفاي جاهز و شهية طيبة ❤️❤️