كسكس مغربي بالدجاج التفاية والخضر المكوّنات 1 كيلو كسكس 1 كيلو بصل كيلو ونصف الدجاج 4 جزرات 3 قرع اخضر (كورجيت) ½ كيلو قرع (الگرعة) 200 غرام زبيب كاس حمص اختياري ملح ابزار خرقوم زنجبيل (سكنجبير زيت الخطوات 1 كنخذ الكسكس كنوضع فإناء ونرشوه بالماء مزيان ونخلوه حتى ينشف ونبسبسه ونحطوه فالكسكاس اطيب تفويرة الثانية كنرشوه بشوية الماء نضيف ملعقة صغيرة ممتلئة بالملح ونرده يطيب (يستوي) اخر تفويرة كندهنه بالزيت الزيتون او سمن 2 إلى بغيتي ضيفي الحمص دريه مع الدجاج 3 كنخذ إناء كنوضع فيه ملعقة صغيرة ابزار وملعقة كبيرة من خرقوم و سكنجبير (زنجبيل) ملعقة صغيرة الملح كنخلطوه بشوية الماء وكنشرمل بها الدجاجة مزيان ونخلوها تترقد الى عندك الوقت منبعد كنوضعها فالكوكوط ونزيد عليها 2بصلات مقطعين شرائح نضيف نصف كاس زيت الزيتون او زيت المائدة ونقلوها مزيان ونمرقها ونسد عليها الطيب 4 فاش طيب الدجاجة كنحيدها باش نحمرها منبعد منقيو الخضرة كنوضع الجزر فالكوكوط لحيدنا منها الدجاجة ونزيد عليه الكورجيت والگرعة ونرش عليهم الملح ابزار ونخلوهم يطيبو 5 كنخذ الكوكوط اخر كنقطع فيها بصل شرائح ليبقة لنا من كيلو ونضيف نصف ملعقة الملح راس ملعقة ابزار الخرقوم سكنجبير (زنجبيل) القرفة 4 ملاعق زيت ونحركهم مزيان ونزيد نصف كاس الماء ونسد عليه يطيب (يستوي) منبعد مطيب لينا بصلة نضيف الزبيب لرقدنا فالماء 4معالق سنيدة (سكر خشن) ونبدو نحركهم مزيان حتى تنشف وتوقف البصل وبصحة والعافية #كسكس #مغربي