حريشات حلوين كايجيو بنان وهشاش للگوتي 💙 المقادير: كاس زيت كاس سنيدة كاس حليب زوج ساشي اڤاني زوج خمارات نصف كاس كوك (اختياري) زوج كيسان دقيق زوج كيسان سميدة (ممكن تزيدو على حسب الخليط) الطريقة: في قصرية كانديرو النواشف الطحين والسميدة كاس سنيدة الخمارات الڤاني ورشة ملح كانخلطوهم مزيان وكانضيفو ليهم السوائل دفعة واحدة(الزيت،بيضة،الحليب) وكانلمو العجينة وفي حالة كانت مرخوفة بزاف كانزيدو شوية سميدة. كانكوروهم كويرات كبار وكاندوزوهم فالسميد وكانحطوهم فلاطة الفرن وكانطيبوهم في فران سخون شاعل من الاسفل والأعلى على حرارة متوسطة غير كايبانو لينا تشققو كانطفيو الفوق باش يكملو الطهي ديالهم على خاطرهم وبصحة والراحة