كيكة البنان
الطبقة الأولى
2 بيضات 7 (ك) معالق سنيدة وزيت وحليب ونص كاس ليمون اختياري وڤانية وملعقة كبيرة خل و2 خمارات و14 معلقة تقريبا دقيق (حسب الخليط) انا عيني ميزاني ملي كطيب الكيك نخليوها تبرد ونسقيوها ب 2 كيسان ليمون مغلي
الطبقة الثانية
نص لتر حليب لي هزينا منو 7 معالق مع 4 معالق ك) سنيدة و2 ڤانيات و3 معالق (ك) مازينا نديروها فوق النار حتى تولي كريمة ونكبوها مباشرة فوق الكيك نخليوها تبرد ندخلوها للثلاجة تبرد مزيان
الطبقة الثالثة
كنقطعو البنان دوائر ما رقيقش بزااف وما غليضش ونستفوه مباشرة فوق كريمة مايزينا
كناخدو كاسرول فيها 2 كيسان ليمون مصفي مع فلان بنان و2 معالق (ك) سنيدة ومعلقة صغيرة عامرة مايزينا نديروه فوق النار يغلى نكبوه مباشرة فوق البنان نخليوها حتى تبرد وندخلوها للثلاجة من الأحسن تبات
بالصحة والراحة