#لحريرة: صدر دجاج حبة بطاطا حبة بصل ك زوج حبات جزر زوج حبات طماطم كبيرة وتكون حمرة ربع حبة قرعة زوج سنات ثوم الحشيش النعناع الفريك في طنجرة حطي شوية زيت و مغرف ك سمن حطي الدجاج قطعي البصل شرائح و الجزر والبطاطا والطماطم و الثوم الحبة قطعيها على4 الحشيش النعناع قلي كلش كيما راهي فالصورة وزيدي الملح والتوابل الفلفل الاسود فلفل عكري راس الحانوت الكسبر الكروية وتوابل الشربة وقلي كلش وخلطي وزيدي مغرفة طماطم مصبرة . كي يبداو يتقلاو زيدي فنجان فريك وخلطي معاهم. كي يتقلى كلش مرقي بالما سخون. و خليها طيب كي تشوفي الخضرة طابت نحي هداك الدجاج وفتتيه شرائح وخليه على جنب. وارحي هاديك الخضرةبالميكسور و شوفي الا جاتك مليحة فالقوام خليها الا كانت ثقيلة زيديلها شوية ما والا شفتيها جارية. زيديلها مغرف فرينة ومغرف خل وخليهم فشوية ماء وخليها تعقد فوق النار كي تطيب توكيلها الدجاج المفتت قطعيلها شوية حشيش ونعناع البوراك راه باين. انا درت تاع حشو الدجاج. غليت صدر دجاج بالملح وفلفل اسود و فتتو و قليت حبة بصل فشوية زيت ذبلتها ورميت هداك الدجاج زدتلو والمعدنوس وزيتون اخضر و مغرفة ياغورت طبيعي. و حشيت البوراك بهاد الحشو و الفرماج. منقولة