#كروكي_العسل بعجينة قاطو روس و بثلاث اذواق يذوب في الفم المقادير :نص كاس عسل،نص كاس سكر،زوج مغارف كبار مارغرين (100غ) ،مغرفة صغيرة بيكاربونات ،كاس غير ربع زيت ،3 بيضات، باكي خميرة القاطو 10 غ ،مبشور الليمون، ملعقة صغيرة فانيليا ،4_5 كيسان فرينة مغربلة الطريقة في كسرونة ندير المارغرين،العسل و السكر نديرهم على نار هادية كيذوب السكر و يبدا المزيج يغلي نضيف مغرفة صغيرة معمرة بيكربونات نرجعو للنار تكون قليلة و نخليه 2 دقايق يتفاعل و يتبدل اللون ،نخليها يبرد ربع ساعة و نبدا نضيف في البيض و نضيف الزيت بالتدريج مبعد نزيد الفانيلا و مبشور ليمونة نكب كاس فرينة (الفرينة لازم تكون مغربلة) مع باكي خميرة و نضيف الكاس الثاني نجمع باليد و نكمل نضيف الفرينة حتان نتحصل على عجينة طرية نقسمها إلى 4 أقسام نشكلهم حربوش نبسطو شوي و نعدلو ندخلو يطيب على 180 درجة من تحت كيتنفخ و ينشف نشعل عليه من فوق و نخليه يدي تحمير مليحة بعدما يطيب و هو سخون ندهنو بالعسل أو الكراميل نقسم الجانبين نرحيهم و نحمصهم شوي و نرش على الكروكي نقسمو و نديرو في علبة ،رايح يجي مقرمش من برا و طري من داخل و يذوب في للفم بصحتكم