- رغم إني كنت بحب احمد الطنطاوي و ما زلت لكن مش زعلان إنه اتحبس
= ازاي ده ؟؟
- لأنه غبي
= ازاي ؟؟
- بعد منعه من إكمال التوكيلات حب يعمل حركة صايعة
حب يعمل حملة تأييد شعبي
بس بدل ما يكتب الصيغة بإيده و يطبعها عالكمبيوتر و يقول فيها " أيدوني يا شعب مصر "
او " انا المولطن فلان الفلاني أؤيد ترشح احمد الطنطاوي "
زي ما عملت تمرد مثلا كده عشان تشيل الاخوان
راح الذكي مصور نموذج التوكيل الرسمي اللي مكتوب عليه إنه تابع لوزارة العدل و خاص بالشهر العقاري و خلا الحملة بتاعته تمضي عليه المواطنين في الشارع

نموذج حكومي
لا يتداول و لا يسحب إلا من جهة حكومية
زي شهادة الوفاة او الميلاد
الباشا صور النموذج كام الف صورة و شال منه الخانات اللي بيملاها موظف الشهر العقاري و خلي الجزأ اللي بيملاه المواطن
و مكتوب عالصورة من فوق وزارة العدل
مصلحة الشهر العقاري
يعني لا تصدر الا من خلال وزارة العدل
و يملاها المواطن داخل جهة رسمية اسمها الشهر العقاري
هو لو طبع ورقة عادية و كتب من فوق استمارة تأييد شعبي ما كانش أدين قانونا
= كده كده كانوا هيتلككوله بأي حاجة
- انا ماليش دعوة
ما ابقاش غبي و اديهم الفرصة
أقسم بالله كتبت كده ساعة ما عملوا الحركة دي
ان دي حركة غبية و تزوير في محرر رسمي هتحبسهم ..

زي ايمن نور زمان
كون حزب
و كسل يدقق في توقيعات المنضمين لحزبه و كانوا بالآلاف فلقيوا توفيعات كتيرة بنفس الخط
استغلها مبارك و حبسه
لأنه فعلا تزوير
حد من ادارة الحزب مضي لناس كتير علي استمارات الانضمام عشان كانوا مستعجلين علي انشاء الحزب