#رولي دجاج طريقة التحضير: بالنسبة لرولي الدجاج نرحي صدر دجاج نزيدلو حبة بيض و ملعقة كبيرة شابلير و معدنوس و فلفل أسود و ثوم مرحي و زنجبيل و كركم و ملعقة كبيرة موطارد و ملعقة كبيرة زيت نخلط المكونات جيدا ثم نجيب بابي فيلم و نفتح الخليط تاعي و ندير الفرماج على الأطراف و نرولي و نغلق البابي فيلم جيدا على الأطراف و نزيد نلفو بألمنيوم و نحطو في كسكاس يفور مدة ساعة بعد ما يفور نزيد نحمرو في مقلاة بالنسبة لاصوص بلونش في قدر ندير شوي زيت و بصل و ثوم و قفص الدجاج و نقلي جيدا ثم نضيف الفلفل الأكحل و الملح و كمون و نخلط جيدا ثم نضيف الزيتون و الجزر و نمرق بالماء الساخن و نخليه يطيب و نقدمو مع رولي و بالصحة و العافية قلبوشات دودو #وصفات مكتوبة مع دودو #وصفات #جزائرية