كسرة محشية: الحشو: في مقلة درت 5 مغارف كبار زيت الزيتون ضفت 2 بصل🧅،4 فلفل حلو🫑،راس فلفل حار🌶 قطعتهم مربعات صغيرة،4 زرودية🥕 مرابية بالسكرفاج الخشين،3_4 فصوص ثوم🧄 و مغرفة صغيرة ملح🧂 غطيتها و نقصت للنار خلاص كي ذبالت الخضرة و تعسلت ضفت مغرفة معجون طماطم🥫 و فلفل اسود قليتها 5 دقايق و طفيت النار ،ضفتلها زيتون مقطع🫒 و فرماج🧀 العجينة: في جفنة درت زوج كيسان سميد رطب ،كاس فرينة،1/3 كاس زيت مغرفة صغيرة ملح، مغرفة صغيرة خميرة القاطو شوي سانوج بسست السميد، بليت بالحليب تحصلت على عجينة طرية دلكتها 5 دقايق حتان ولات رطبة غطيتها و خليتها ترتاح مابين ما يوجد الحشو و يبرد . قسمتها لكربات فتحتها على شكل دائري دهنت الحواف بالماء حطيت الحشو نزيد الفرماج نغلق و لحتها في طاجين سخون على نار هادية نثقبها و نحمرها مليح ،و بالصحة و العافية كتبت من طرف #وصفات مكتوبة مع دودو