وصفة الكوكا بدون عجينة توريق كاس ماء كاس زيت نضربهم مليح و نلم باربعة كيسان فرينة و كل على حساب الفرينة نتاعك شعال تشرب ملح و على راس الملعقة خميرة كيميائية و نتحصلو على عجينة طرية و نغلفها بالبلاستيك الغذائي و ندخلها للثلاجة ترتاح ربع ساعة في صحن نحضر 4ملاعق اكل مايزينة معمرين مليح و 7ملاعق اكل زيت و نخلطهم مليح نتحصل على خليط كريمي نجبد العجينة و نرش الفرينة نحلها بالحلال مليح على شكل مستطيل تقريبا سمك العجينة رقيقة شوية و ندهنها بالكريمة المايزينة ندهن قاع العجينة نتاعي و نقعد نرولي فيها حتى نتحصل على حربوش نقسمه على زوج القطعة الاولى كما راها نحاها بالحلال على شكل دائري و نحطها في الصينية و القطعة الثانية نديرها في بلاستيك غذاىي باش تقعد طرية نحط خليط التكشوكة بصل و طماطم و نحل القطعة الثانية و نحطها على الخليط و نسوديه مليح في الجوانب و نفسمه بواسطة سكين قسميه مليح مشي غير ملفوق باش كي طيب ينقسم معاك بلخف و ميقعدش يتفتت و زينيها بحبات زيتون دهنيه بالبيض و الخل و دخليه يطيب في فرن مسخن مليح و حمريه من الوجه شهية طيبة و دعوة خير #وصفات مكتوبة مع دودو.