ليدونات أنجح من هذ الوصفة ماتلقايش بلا مايشربو ولا قطرة زيت المقادير: كأس حليب دافي حبة بيض 2ملاعق كبار سكر أحرش ملعقة كبيرة خميرة الخبز ربع ملعقة صغيرة ملح وسمر فاني ساشي ولا معندكش ديري فاني مغرف صغيرة ملعقة صغيرة خميرة كيميائية مغرف كبيرة زبدة والفرينة داتلي 3كيسان غير ربع ستعملت فرينة سيم طريقة التحضير: في ريسيبيو نحط كأس حليب ونزيد سكر وخميرة الخبز وكأس فرينة ونخلط المكونات مليح ونخليها تخمر مدة 10د بعد 10د ترجعي ليها تلقايها خمرت وتفاعلت زيديلها حبة البيض والملح والفاني وخلطي مليح ومن بعد زيدي الكأس الثاني نتاع الفرينة الكأس الأول درناه في المرحلة الأولى والكأس الثاني ضرك في المرحلة الثانية قلتلكم زيدي الفرينة والخميرة الكيميائية واخبطي الخليط كي شغل راح ديري سفنج ولا مطلوع الكوشة اخبطي من تحت للفوق حوالي 5د ومن بعد ابداي ضيفي في الكأس الثالث بتدريج لعجينة تكون متماسكة بصح تتلاصق في اليد ادلكيها ثاني حوالي 5د حتى تولي ملساء ثم زيدي مغرف الزبدة دخليها في العجين بتدريج بعد مادخليها ضيفي رشة فرينة باش يروحلها ذاك التلصاق وخليها تخمر حتى يضاعف حجمها مليح 3مرات من بعد تهبطيها في سطح العمل بصح متهبطيلهاش لخمور بزاف غير تطويها على زوج برك ومن بعد تبداي تفتحي واطبعي بأي حاجة دائرية انا طبعت بغطاء نتاع ابريق التاي نتاع لحديد وفي نصف اطبعي بلادوي ولا مغلاڨ ومن جهة اخرى قطعي ورق الزبدة مربعات كي تطبعي حطي العجين فوق بابي كويسو وخليه يخمر ولا معندكش بابي كويسو حطي فوق الطرشةن برك بصح النتيجة افضل بالبابي كويسو خير كي تشوفيها طلعت مليح وخمرت ابداي اقلي الزيت يكون سخون والنار قاوية كي تحطي الحبة نقصي للنار خلاص وخليها تتقلى في غرضها كي تحطي الحبة اجبدي البابي من تحتها بلا متقلبيها كي تحمار من تحت قلبيها للوجه الثاني واقلي كامل الحبات هكذاك وحطيهم في كسكاس يقطرو أما بالنسبة للعجين لي يبقى كي تطبعي عاودي ادلكيه شوية وخليه يخمر باه تعاودي تحليه وتطبعي هذي هي الوصفة اسمحولي مرديتش عليكم لخطر محضورة من التعليقات هذي هي الوصفة للي معندهاش كونكسو ولي عندها كونكسيو نقلك تشرفيني وتنوريني في قناتي Asma cuisine وصورة نفسها نتاع الفيس بوك طولت أه هههههههه 😂واش ديرو😁