انا ثان جربت وصفة كروكي حلوة روس لي راهو داير حالة في تيك توك

الوصفة : نصف كأس سكر + نصف كأس عسل كأس زيت وتحطيهم في كاسرونة مع التحريك وتحطيهم فوق النار هادئة وكي بداء يغلي اتحطي مغرف اصغيرة بيكربونات وتحركي شويا راح يحصل تفاعل ويتبدل اللون يولي بوني فرغيه في حاجة خليه يبرد اشوي يولي دافيء ومتخافيش كي يولي يلصق زي الكبريس عادي مباعد حطي البيضة لولة وحركي امليح وزيدي البيضة الثانية وحركي مباعد شيحي بالفرينة وحطي كيس خميرة وشكلي لحرابش تاعك وحطيهم ايطيبو وكي يخرج وهو اسخون اطليه بالكونفيتور من لفوق وقصي لحاشية تع كل حربوش وفتفتيها من لفوق وشهية طيبة