ام علي بالجلاش المكسر او المقطع
الطريقة والمقادير
هنقطع لفة الجلاش كلها قطع صغيره في صينية الفرن
نحط علي ½ كوب سمنه ونقلبهم مع بعض كويس
ندخل الفرن تحت الشوايه ١٠ دقائق تاخد لون
تطلع الفرن نقلب الجلاش وندخل الفرن تاني
هنفضل نكرر الموضوع ده لحد لم الجلاش ياخد اللون الدهبي
بعد متطلع نكسرهم كويس
في حلة علي النار نسخن كيلو الحليب ونحط عليه سكر
الكميه حسب الرغبه
ورشة فانيليا
ونقلب علي النار لحد لم يغلي
هنجهز الطواجن بتاعتنا
الطاجن هيبقي
طبقة جلاش
طبقة مكسرات
جوز هند او زبيب
طبقة جلاش تاني
وبعدين الحليب لازم يغطي الجلاش عشان الجلاش هيشرب الحليب كله
نوزع علي الوش معلقة كبيره قشطه
ندخلهم الفرن شواية بس ياخد لون