فطائـــــــر الطاسة 🥰 وصفة فطائر الطاسة بطعم البيتزا ، خفيفة وهشة ، تنفع فطار ، تنفع عشان ، تنفع غدا ماتقولش لا 😅 المقادير 👇👇 ٢ بيضة بدرجة حرارة المطبخ زيتون مخلي معلقة كبيرة خميرة ثلاث أرباع كوب حليب دافئ ثلاث أرباع كوب ماء دافئ ٣ اكواب دقيق منخول ( ممكن يزيد ربع كوب) معلقة صغيرة سكر معلقة صغيرة ملح نصف ملعقة صغيرة فلفل أسود خضار( بقدونس ، فلفل رومي أخضر و أحمر و أصفر مقطع مكعبات صغيره) زعتر جاف جبنة رومي مبشورة أو موتزاريلا ( المتاح عندك ) الطريقة👇👇 في بولة نحط الحليب ، الماء ، الخميرة ، السكر ، الملح ، الفلفل الأسود و الزعتر الجاف و نخفقهم كويس جدا و نضيف البيض ، و نكمل خفق نضيف الدقيق تدريجياً (على حسب الحاجة ) ، لحد ما الخليط يكون ثقيل نوعاً ما ، نغطيه و نسيبه يختمر . بعد كدا نضيف الخضار و الزيتون و الجبنة و نقلب ندهن طاسة مش بتلزق بالزيت ، نحطها على نار متوسطة ، ننزل بكبشة من العجين ونلف الطاسة عشان تتوزع و نستني شوية ، اول ما الفطيرة تسيب أطراف الطاسة و تتحمر من تحت نقلبها على الناحية التانية برضة على نار متوسطة لحد ما تستوي . و بس كدا 👌👌 وبالهنا ♥️♥️