كريصات بالزبيب 🧡 المقادير: كاس زيت كاس سكر كاس الماء دافي كاس حليب دافي معلقة كبيرة خميرة الخبز معلقة صغيرة خميرة الحلوى كيس سكر فاني كاس زبيب 6 كيسان دقيق الطريقة : نخلطو كلشي مزيان من غير الزبيب حتى نحصلو على عجين لينة من بعد عاد نضيفو الزبيب ونخليوها ترتاح مزيان ملي تبان لينا العجينة طلعات وتضاعف الحجم ديالها ندهنو يدينا بشوية دالزيت باش تساعدنا نعملو منها كويرات بالحجم اللي بغيتي وستفوهم فوق صينية ديال الفرن مدهونة بالزيت ومرشوشة بالدقيق ونغطيوهم ونخليوهم يخمرو من جديد من بعد فاش يبانو لينا تنفخو شوية ندهنوهم بخليط أصفر البيض وقهوة سريعة الذوبان ونزينوهم بزنجلان ونصيفطه لفرن مسخن من قبل. بالصحة والراحة