#كيكة_السنكرس ✨💛 تابعوني لي الاستفاذه♥️👈🏻Heba AlNore #الطريقه أي كيكة بالكاكاو انتي معتمدتيها بالنسبه ليا درت ٤دحيات ونص طاسة سكر و فانيليا حطيتهم ف العجانه مدة ١٠دقايق لين بدي القوام كريمي حطيت عليهم نص طاسة زيت نص طاسة حليب بعدين طاسة دقيق بالتدريج مش ف مره و٣ملاعق كاكاو خام امتع الحلويات وملعقه كبيره خميرة وحركي بالسباتيولا مش بالمضرب حطيها ف الكوشه أول مااطيب تكوني مجهزة شراب شربيها بيه أني درت امية ونسكافي حطيها تبرد شويه وجهزي الطبقه الأولي حطيت كراميل جاهز وبودرة كراميل خفقته مع شانتي حطيته عالكيك الطبقه التانيه كاكاويه مش مهروشه حطيتها زي ماهيا حطيت كمية كويسه ماتقفصوش أعطو الحاجه تجيكم زي ماتبو حطيها ف الفريز حوالي ١٠دقايق لين تجهزي الطبقه التالته وهيا شكلاطه نيوتيلا (مقاطعه ) استبدلوها بنوع كويس علي حمام مائي لين ادوب حطي عليها علبة قشطه وحركيها كووويس لين تمتزج مع بعضها طلعي طاجينك وصبيها عليه ورديها الفريز تاني تصقع واستمتعو بالطعم الجميييل مع فنجان قهوه ياسلاااام #منقول