#وصفة #دزيريات معسلات عجينة = 4 كيلات فرينة نصف كيلا مرغرين ذايبة وباردة لافاني قرصة ملح ونعجنوها بماء الزهر لحشو 3 كيلات لوز كيلا سكر ملعقة لافاني قشور الليمون 4 ملاعق ماء زهر البيض حسب الحاجة طريقة التحضير نرحي لوز متوسط نحط السكر على جنب مع باقي المكونات ونحط ماء زهر فوق السكر بش يدوب بش جيك دزريات معسلين هدا هوا السر و نبدا نحط في البيض بالحبة و نعجن حتى يرجع الحشو يتلاسق في اليد حطيه في كيس بلاستكي وخليها تبات من الاحسن العجينة عادي تقدري تعجنيها وبداي تخدمي مي لافاغس لازم تبات نحل العجينة بلاماشين تع البقلاوة من 0 حتى تلحقي رقم 5 اقطعي دوائر بالمول رقم 90 و تكوني وزنتي لافاغس من 40 غ حتى 45 غ حطي الحشو في مول سبيسال في الوسط خليها تبات بش تقعدلك الحبة واقفة مطيحش في الفرن و بالنسبة لتاع القريص حلي عجينة بنفس طريقة و نفس وزن الحشو و تقرصيهم و ضروري يباتو قبل ماايطيبو تكوني حضرتي الشربات حطي 2 كسان سكر مع 4 كسان ماء و قطعة شب خليه يغلي 20 د و طفي عليه كي تبرد ضفي نصف الكمية عسيلة المرجان كي تطيب نعسلوهم بعسيلة تكون باردة والدزريات يكونو سخونين بصحة والراحة