أنواع التوابل وإستخدامتها 1 - الحبهان (الهيل) يستخدم فى انواع الشوربة ومع اللحوم والدجاج بكثرة 2 - المستكة تستخدم أيضا فى أنواع الشوربة واللحوم والدجاج بكثرة 3 - جوزة الطيب من اهم توابل اللحوم وانواع الكفتة وانواع كثيرة من الصلصات 4- (الزعتر) وللزعتر فوايد صحيه كتيره غير الطعم الجميل اللى بيضيفة على الاكل وخصوصا صلصات المكرونه والبيتزا 5- ورق اللورا ( ورق الغار ) يستخدم فى جميع انواع الشورب والصلصات واللحوم والخضروات 6 - (الفلفل الاسود) استخدماتة كثيرة فى الطبخ 7 - (الفلفل الابيض) يستخدم كثيرا مثل الفلفل الاسود ولكنة يستعمل أكثر فى الصلصات البيضاء والشوربة 8 - ( كزبره) لها استعمالات كثيرة وخصوصا فى الاكلات الاورينتال مثل الملوخية والبامية وانواع كثيرة من الخضروات واللحوم والاطباق الهندية الشهيرة لان لها طعم ورائحة مميزة ومفيدة 9 -( كمون) يستخدم فى كثير من انواع الصلصات واللحوم وهو مفيد جدا وصحى للمعدة وحالات المغص 10 - (اعواد قرفه ) تستخدم مع بعض انواع اللحوم والصلصات وانواع الارز والشورب والحلويات والمشروبات 11 -( القرنفل ) يستخدم فى المشروبات ويستخدم فى شربات الحلويات ويستخدم فى المربى #وصفات #food #اكلات #cooking #وصفة #fastfood #اكل #توفير

نصائح منزليةَ 👌✨️ الاول حطولى♥️عشان احبكم اكتر مانا بحبكم اصلا😉 نص معلقه صغيره كركم مطحون ونص معلقه كزبره ناشفه ونص معلقه كمون ونص معلقه ثوم بودر على الدقيق بتاع #السمك المقلي بيخلي لونه تحفه😉 (يا سلام على نصاحتى😉ربنا يخلينى ليكم🤭) لما لون الحلة الألومنيوم يسود من شطارتك🙄🤭اطحني قطعه من #الفحم وادعكيها بالسلك مع #صابون بريحه ترجع جديدة زي الاول👌(اوعى تقوليلى ايديا وضوافرى🤫عشان ماتنقطينيش😆😉) او اغلي فيها بواقي قشر اليمون مع صابون سايل وشويه ميه هتبقا فله👌(وتقدرى تشوفى وشك فيها بدل المرايه😉🤣🤭) لما تيجي تطبخي #الفاصوليا أو اللوبيا الجافة انقعيها قبلهم بليلة ومش هتاخد معاكي وقت ف السوا خالص (تقريبا كلنا عارفين المعلومه دى بس بنراجع سوا🤭🤣) للتخلص من #الدهون الموجودة بالسيراميك أو الأرضيات أو الحائط ضعي القليل من الخل واتركيه لمده نصف ساعة وبعد ذلك ادعكي الدهون بسلك مواعين سوف تدهشك النتيجه(ومش بعيد تطيرى من الفرحه🤭😉🤣) طشة #الملوخية عشان تعمل صوت عالي يبقا لازم تكون الزبده أو السمنة البلدي بتاعتها كتيرة وده السر أصلا (ماهو احنا لازم نسمع الجيران برضوا🤣😉🤭) #صلصة الطماطم عشان تتسبك صح وتطرد الدهون اللي فيها يبقا تحطي معاها معلقة صغيرة ملح ومعلقه سكر يا سكر انتى منك ليها😉😊😊 #البتنجان لو بيشرب زيت رشي عليه ملح وحطيه فى مصفى نص ساعه قبل القلى مستحيل يشرب زيت معاكي واهو من ناحيه توفرى ازازة الزيت ومن ناحيه تانيه تدعيلي يا قلبي♥️ جربي متحمريش #الثوم أوي وانتي بتطبخي خليه لونه اشقر بس ويطلع ريحته هتدعيلي والله 🙏 بس اياكشي تاكلى وتنبسطى وتنسينى منك ليها🤨🫠 قبل ما تطبخي #الخضار شوحيه مع البصلة بملح وفلفل وبعدين نزلي الطماطم وكبشتين شوربة هتدوقي أحلي وألذ طبيخ❤️💦 وابقى قابلينى لو قامو من عالسفرة قبل اسبوع😊 بحبكم من كل قلبى واحلا اوقاتى معاكم بأمانه🤍 اذا اتممت القراءه لا تنسي تصلي ع الرسول او تعلق ب ذكر الله🤍