الجبنة الشيدر
المقادير)
نصف كوب من الزبدة (١٠٠) جرام
ربع كوب او سبع معالق كبيرة من مصل الحليب او شرش الحليب ويمكن استبدالهم بربع كوب او سبع معالق من الحليب الطازج
اتنين كيلو من الحليب او لترين من الحليب كامل الدسم
ملعقتين كبار من الماء
ملعقه صغيره من ملح الليمون او ( حمض الستريك)
ملعقه صغيره من بيكربونات الصوديوم او الكربوناتوا
نصف ملعقه صغيره من الملح
ثلاث ملاعق كبيرة من عصير الليمون المصفي
ثلاث ملاعق كبيرة من خل الطعام العادى
الطريقة
باخد اللبن علي النار لحد مايعمل وش بنزل بعد كدة بعصير الليمون واقلب لحد مالخليط يفصل معايا باخد التجبين في شاشة أو مصفاة اصفيه كويس بعد كدة في الخلاط باخد الجبنة مع الزبدة وربع كوب من مصل الحليب اضربهم كويس لحد مالخليط ينعم معايا باخد بعد كدة معلقتين الماء مع ملح الليمون والكربوناتو اقلبهم كويس وانزل بيهم علي الخليط يلف لفة في الخلاط أو الكبة بعد كدة اخد الخليط علي النار وأيدي بتقلب فيه لحد مايلم علي بعضه ويشد يوضع في قالب في التلاجة يشد ويطلع يقطع وبالف هنا

*مهما كانت الحياة مغطاة بعتمه الظلام*
*ثمة ثقب للنور للضحك للأمل، للأصدقاء ,للحب، للسلام نستطيع من خلاله أن نبصر الوجه الآخر للحياة ، للهواء النقي للبشر الطيبين للإبتسامات الصادقه ولكل من نحمل لهم مشاعر جميلة، فستشرق شمس الطمأنينة لتدخل نوافذ بيوتنا ، و ستزهر قلوبنا و لو بعد حين معلنة لبداية مختلفة عن كل البدايات تزيل الغمة وتترك لنا إبتسامة وسلام يملأ القلب بالحياة، ‏عوّد نفسك على الفرحة حتى تعتاد هي عليك ، وأشعر نفسك بالأمل حتى تجد الدنيا بين يديك.*

عمل الجبنة الرومي في المنزل
: المكونات:
3 كيلو لبن
ملح
ربع ملعقة من المنفحة (مادة مساعدة لصناعة الجبن)

لون أصفر

طريقة تحضير الجبنة الرومي في مطبخك:
حضري إناء مناسب وضعيه على النار

ثم قومي بإضافة الحليب بالكامل حتي الغليان

ثم قومي بإضافة المنفحة واللون الأصفر وقلبي جيدا

ثم قومي بتغطية الأناء وترك الخليط 10 دقائق حتي يحدث فصل بين الحليب وما يسمي الشرش

ترفع مكعبات الجبن

وترش بالملح

ثم قومي بوضعها على النار مرة أخري وتقلب 10 دقائق

ثم توضع في شاش نظيف

ثم إدخالها الثلاجة يوم كامل

ثم تقطع شرائح وتحفظ في الثلاجة

وتقدم الجبنة الرومي بشكل صحي وأكثر أمان في منزلك،

أسعد الله مساءكم بكل خير.

كيك النايتي بتاع زمان
المقادير:-
بيضة واحدة بدرجة حرارة الغرفة وزن البيضة بقشرها (٧٢) جرام
كوب سكر ناقص نصف عقلة من صوباعك (١٧٥) جرام
كوب حليب ناقص نصف عقلة من صوباعك (٢٠٣) جرام
نصف ملعقه صغيره من الفانيليا
رشه ملح
ملعقه كبيره من البيكنج بودر بشكل هرمي (١٢) جرام
ملعقه كبيره من الخل
ثلثين كوب من الزيت النباتي (١٢٥) جرام
كوبين من الدقيق أو الطحين ممسوحين ناقصين ملعقه كبيره بشكل هرمي (٢١٠) جرام نعبي الدقيق بالمعلقة بعد النخل بدون ماندخل بايدينا وبدون مانهز الكوباية او نضغطها بالدقيق
الطريقة
بالمضرب السلك
بقلب الببض مع السكر لحين التجانس ثم الزيت ثم الحليب
بعد اعدي الخليط علي مصفاة في بولة ثم انزل عليه بالمواد الجافة والرافعة ومعلقة الخل اقلب في اتجاة واحد لحين التجانس ثم اخد من الخليط معلقتين ادوب فيهم معلقة من الكاكاو اصب في صنية 30في 40 مبطن بورقة زبدة والجزء بتاع الكاكاو اعمل خطوط بيه وبالخلة رايح جاي يدخل علي فرن سابق التسخين درجة حرارة 180مئوية رف اوسط هياخد من 12ل15دقيقة حسب كل فرن يترك ليبرد يقسم علي 2 يحشي بمربي ويقطع وبالف هنا

بسكويت الخلاط للمدارس
المقادير"
بيضتين بدرجة حرارة الغرفة
نصف ملعقه صغيره فانيليا
رشة ملح
ملعقه صغيره بيكنج بودر او خميرة الحلويات
ملعقه صغيره تانج بطعم البرتقال او ملعقة كبيرة من بشر البرتقال
كوب الا ربع زيت (١٧٥ جرام)
كوب الا ربع سكر (١٦٥ جرام)
كوب إلا ربع نشا الذرة أو المايزينا(١٠٠) جرام
٣ ٣ اكواب وربع من الدقيق أو الطحين من(٣٦٠_٣٩٠) حسب حجم البيض المستخدم
ملحوظه ننزل بثلاثة اكواب من الدقيق أو الطحين الاول والربع كوب ننزلة بالتدريج علشان حجم البيض ممكن
الطريقة
البيض والسكر معا يدوب انزل بالزيت ثم البيض ثم التانج
بعد كدة اعدي الخليط علي مصفاة
وانزل بالمواد الجافة ومقلبش كتير يشكل كور صغيرة وبمشط يكون خاص بالمطبخ واعمل سحبة من نص البسكوتة وعلي فرن سابق التسخين درجة حرارة 180 مئوية رف اوسط لمدة من 15ل20دقيقة ممكن كمان 10دقائق حسب كل فرن
يخرج يبرد يغمس في شيكولاتة خامة من النص اللي متشكلش بالمشط وبالف هنا