نصائح الا بغتي العدس ما يدوبش لك في الطياب فزكيه في الما واحد الساعه عاد طيبيه غادي يبقى الحبة على حبة العجينة المسمن الا بغتيها تعطيك الطوع مزيان عجنيها ودريها في البلاستيك ودريها في التلاجة على الاقل واحد ساعة غادي تلقايها عطات طوع بلا دليك بلا عداب الا الماريو دالخشب بهات ليك خودي منديل وغطسيه في زيت نباتية ومسحيه بيها كيرجع بحال جديد إلا بغتي تبقى لك ريحة زوينة في الحوايج والمانط خودي صبونة ريحة وقطعيها طريفات ودريها في كموسات خشيها وسط الحوايج كتبقى فهم ريحة غزالة إلا كنتي بغى تصبني الزربية وبغتيها تخرج تشعل ولون ديالها مايبهاتش خودي صابون لحجرة وكبي عليه الماء طايب وخليه حتى يدوب وزديه عليه شوية سائل الاواني وحكيها بيه كتخرج ليك كتشعل وتبقى في لونها الاصلي حسن من المسحوق كا يبهتها الا كنتي كتفوري وتكور ليك كسكسو دري ليه شوية زيت نباتي ولا زيت زيتون ولا شوية زبدة األي متوفر غادي يرجع يتفك ليك الا عجبكم بحال هاد النصائح متنساوش شي دعوة د الخير ولكم بالمثل يارب #نصائح #بصحة_وراحة #الجميع #النجاح #وصفات #اكسبلور #مقادير #الطريقه